Wednesday 24 January 2024
youtube_video
الطبيعة الرقمية للشغل ¶
انجازاتك كلها بتكون على شكل سوفتوير فى اجهزة، مالهاش طبيعة مادية
ده بيقلل من احساسك بالانجاز وبيدفع ناس كتير انها تحاول تعادلها بانجاز مادي
علشان كده بتسمع ديفلوبرز فتحوا مطعم ولا عاوزين يعملوا هواية زي النجارة او الزراعة
ثقافة الإنجاز والتطور المستمر ¶
دايما بتحتاج تطور نفسك وتقرا عن التكنولوجيز الجديدة وتتعلم لغات جديدة وتتحرك من تكنولوجي لتكنولوجي فى الكارير
فيه انتشار واسع لثقافة الإنجاز والحلم بالإنضمام لشركات كبيرة (ميكروسوفت، ابل، فيسبوك، امازون، نفليكس، جوجل)
أون كول ¶
الشركات المتوسطة والصغيرة بتحتاج حد يقدر يستجيب للمشكلات برة وقت العمل
عادة بيتم تعويضة بفلوس او\و اجازة بدل اليوم اللى حصل فيه الحادثة
بيكون عادة ليك تليفون الشركة بيرن فى حالة حصول حادثة
شوفت فى احيان كتير لحظة فزع من المهندسين اللى عليهم اون كول لما يسمعوا نغمة الموبايل، حتى لو مش اون كول دلوقتي
الضغط الناتج عن الحوادث احيانا بيسيب اثر فى الشخص احيانا بيسميها المهندسين بجروح الحرب
الضغط العصبي ¶
معظم الشركات بتشتغل بنظام SCRUM
النظام مهمته متابعة المهام فى دورة اسبوعين بيتم تجديدها
كمان بيستخدم لعمل تقارير عن اداء الفرق وسرعة انجازها للشغل
النظام بيقدم نوع من الضعط لأنجاز المهام فى وقت هم نفسهم بيقرروه لنفسهم، نوع من الضعظ الذاتي لتحقيق انجاز كل اسبوعين
ثقافة الدقة والوضوح والسرعة ¶
العمل كمبرمج بيتطلب التعبير عن نفسك بلغة البرمجة بطريقة واضحة ودقيقة أي حرف او علامة خطا ممكن تعمل مشكلة فى السوفتوير
الاستمرار فى النشاط ده بيطغى على الشخصية وبيغير فى الصفات الشخصية على المدي الطويل بيزيد تفضيلك للتواصل بشكل دقيق وواضح وده على خلاف مع معظم الناس اللى التواصل معاهم بيحتاج مرونة ومساحة سماح اكبر من البرمجيات
الناس ¶
Hell is – other people
نوع الشغل بيشجع الناس انها تحاول تبان اذكى
بالنظر لمجموع التصرفات التعامل مع باقى الديفلوبرز خصوصا الطموحين منهم بيكون صعب لأنه طول الوقت بيحاول يثبت ذكاؤه
ده بيكون خلال المناقشات او حتى الكود اللى بيكتبه بيحاول يخليه معقد، غصب عنه بيحاول يبان انه يقدر يكتب كود ذكي وده اصعب انواع الكود
الإجتماعات ¶
انا رأيي مختلط بخصوص فائدة الاجتماعات
معظم الاجتماعات بيكون الفائدة منها اقل بكتير من الوقت والمجهود المصروفين عليها
كل لما تكبر الشركة كل ما الاجتماعات تكون اكتر
الجلوس لفترات طويلة ¶
مشاكل فى الظهر
مشاكل فى الرسغ
محتاج تعادلها بتمرين
تهيؤات ¶
كل الناس بتتكلم عن ليه ماينفعش تشتغل لشركة لو فيها المشكلة كذا او كذا
فى الحقيقة مافيش شركة كاملة او مافيهاش مشاكل
Life is tough get a helmet
اللى بتقدمه الشركات لتعويض الموظف ¶
جلسات علاج نفسى مجانية
اشتراكات فى برامج الاسترخاء زي هيدسبيس
See Also