| modified | Saturday 28 January 2023 |
|---|
🗄️ zettelkasten
من فترة سمعت عن كتاب بيتكلم عن ازاي تاخد نوتس بطريقة منظمة
How to Take Smart Notes
وانا بدور على ريفيوهات عن الكتاب طلعلى ناس بتتكلم عن طريقة كان بيستخدمها عالم اجتماع الماني اسمه نيكلاس لوهمان لتنظيم افكاره وربطها ببعض، الطريقة فى الاخر شبه الويب دلوقتي، بيكتب ملاحظات على ورق صغير ويحط كلمات مفتاحية ويربطها بالملاحظات الموجودة دلوقتي، الطريقة اسمها Zettelkasten
منها لاقيت ناس بيعملوا مواقع زي البلوجز او ويكي شخصى بيسموها ديجيتال جاردن بيكتبوا الافكار اللى بتجيلهم وبينظموها وبيربطوها ببعض وبيسجلوا اللى بيتعلموه فيها.
لاقيت ليست من المواقع دي وكانت مفاجاة حلوة لما دخلت عليهم لاقيتهم حاجة مختلفة، كأنك بتزور واحد فى بيته كده، ليها احساس مختلف عن البلوجز العادية ده مثال حلو قوي:
ودي قايمة من المواقع دي:
فيه ابليكيشن حلو اسمه اوبسيديان الناس بتستخدمه للنوع ده من التدوين
Obsidian Obsidian: A knowledge base that works on local Markdown files. انا بكتب الابليكيشن بتاعي فى وقت فراغي، بحيث اكون متحكم فيه بشكل كامل، هو فى الاخر بكتب تكست مارك داون عادي والابليكيشن بيحاول يتذاكى شوية، يعني يعمل لينكات اوتوماتيك لو فيه فايل بنفس الاسم، بيحول اللينكات للصور للصورة نفسها، بيحول لينكات التويتات والفيسبوك بوست.
من قريب كنت جبت تابليت اي-اينك Remarkable 2 علشان اخد عليه نوتس،
هو حلو جدا وبحس بحرية وانا بكتب عليه لكن عيبه فى ربط النوتس ببعض والسيرش فى اللى كتبته، فوصلت فى الاخر انه حلو كسورس للملاحظات زيه زي لما باخد سكرين شوت او اسجل صوت او فيديو، لكن الحاجات دي كلها تتجمع فى ابليكيشن زي xlog فى مكان واحد سهل انني ادور فيه.
Home | reMarkable Replace your notebooks and printed documents with the only tablet that feels like paper. Previous Text was posted to FB ¶
Also Zeyad Shaban mentioned a list of Gardens he collected: https://raindrop.io/zemahran/g…